چۆارینه‌کانی خه‌ییام به‌ کوردی لاتین

[behnam5555]

چۆارینه‌کانی خه‌ییام به‌ لاتین

( 67)

خۆلامه‌ده‌ ، ده‌ی! باده‌ که‌ با بێ مه‌یگێڕ
به‌رماڵ و جبه‌ت گره‌و له‌ لابێ مه‌یگێڕ
گوێ بگره‌ له‌من : هه‌رچی مه‌لا و شێخ گوتیان
ده‌ گوێی مه‌گره‌، لات وه‌کوو با بێ مه‌یگێڕ

xolamede , dey! bade ke ba bé meygérr
bermall u jbet girew le labé meygérr
guwé bigre lemin : hercí mela u shéx gutíyan
de giwéy megire, lat wekú ba bé meygérr



تا که‌نگێ خه‌ریکی پێنج و چواران مه‌یگێڕ
دڵخۆشی بده‌ به‌ کۆڕی یاران مه‌یگێڕ
ژین کورته‌ ئه‌وه‌ی نایه‌نێ خه‌م دابگرین
بۆم تێکه‌ به‌ یادی چاوخوماران مه‌یگێڕ

ta kengé xeríkí pénj u cuwaran meygérr
dillxoshí bide be korrí yaran meygérr
jhín kurte ewey nayené xem dabigrín
bom téke be yadí cawxumaran meygérr



په‌ندێکی مناڵه‌که‌ت بده‌ مامه‌ی پیر
با بازی به‌ خاک و گڵ نه‌کا، ژیری به‌بیر!
بێژنگی له‌ ده‌س ده‌رێنه‌! به‌س دای بێژێ
که‌لله‌ی سه‌ری پاتشا و میر و وه‌زیر

pendékí minalleket bide mamey pír
ba bazí be xak u gll neka, jhírí bebír!
béjhngí le des deréne! bes day béjhé
kelley serí patsha u mír u wezír


ئه‌م گۆزه‌ وه‌کوو من بووه‌، دڵدار و هه‌ژار
جارێکی دڵی خۆش بووه‌، سه‌دجار خه‌مبار
ئه‌و هه‌نگڵ و ده‌سگره‌ی له‌ ملیا دیوته‌
ده‌ستێ بووه‌ زۆر خراوه‌ته‌ سه‌ر ملی یار

em goze wekú min búwe, dilldar u he‌jhar
jarékí dillí xosh búwe, sedjar xembar
ew hengll u desgirey le mlíya díute
desté búwe zor xirawete ser mlí yar