| زبان ادب و فرهنگ کردی مسائل مربوط به زبان و ادبیات و فرهنگ کردی از قبیل شعر داستان نوشته نقد بیوگرافی و ....
kurdish culture |
10-10-2013
|
 |
مدیر تاریخ و بخش فرهنگ و ادب کردی   |
|
تاریخ عضویت: Aug 2009
محل سکونت: مهاباد
نوشته ها: 19,499
سپاسها: : 3,172
3,713 سپاس در 2,008 نوشته ایشان در یکماه اخیر
|
|
گازنده
گازنده
دیسان کرمی بوختانکەری نێو مۆبالی دەمتان کەوته مەرگه نوووزه
ئێوه چین من بتاندوێنم
هێنده چووکەن
تەنانەت به مێروولەتان ناشوبهێنم
من شاعیری دڵی خۆمم
چیتان دەوی بەرماوخۆران
بۆ چەقۆتان هەڵگرتووه
سینگی شیعرەکانم بدرن!
ئاگادار بن، لەم بێشەدا شێر خەوتووه
کەم وەک داڵاش
به سەر جەستەی ماندووی خەمڕێژمدا بفڕن
ئێوه چین من بتاندوێنم
من دارێکی باڵابەرزم
گەرچی تووشی مەرگەساتی وەرزی رەشم
بەڵام هەرگیز
سەرم بۆ چی دارکونکەری دنیا هەیه دانانوێنم
وەکو تانه کەوتوومه سەر گلێنەی چاوتان
هاتووچوم وەک خەنجەرێکه
رۆ دەچێته نێو دەروون و قوڵایی هەست و هەناوتان!
ئێوە چقڵن
سیلەی رێگەی جێژوان ئەگرن
ئێوە بەکری مەرگەوەڕن
هەست و رۆحی ئەوینداران بریندار ئەکەن
بێژگه خۆتان کەس ناناسن
له نێوانی گوڵ و دڵدا وەک لەمپەرن
من شاعیری دڵی خۆمم
من هەر ئاواز بۆ خۆم و بو دڵدارەکەی خۆم ئەخوێنم
مشتی خاکی دەشتی عەشقم،
بەڵام له ئاستی ئێوەدا
لووتکەم، لووتکه!
ئیوەی تەڵخەک له بنارما وەک چەقۆی کول
بۆ رووخانی باڵای بەرزم
بەردی خاراو هەڵدەکۆڵن
منی لووتکەش پێدەکەنێم
هێنده چووکەن
حەیام دەچێ بتاندوێنم
تەماشا کەن …
وێڕای دەیان جار کەوتن و هەستانەوه
من هەر خۆمم
وەک جارانی خوم ئەنوێنم
ئێوەش هەر خۆتان ئاسایی
وەکو کرم، بێ دەست و پا
ژڵیەوەتان دێ به ناو یەکا
بەرەو لوتکە تف ئەکەن و جنێو ئەدەن
منیش لەو بەرزانەوه
هەر بورکان و بوومەلەرزه دەخولقێنم
هێنده چووکەن
حەیام دەچێ بتاندوێنم
چیتان دەوێ؟
بۆچی هێندە رۆحی ماندووم ئازار ئەدەن؟
نیگایەکی رۆحی پیسی خۆتان بکەن
دەردی من و دەردی ئێوه جیاوازه
شەرافەتی دەردێکی خۆم
به گشت ژین و ماڵ و حاڵتان ناگۆڕمەوه
دەردی من دەردی ئینسانه
دەردی ئێوەش زۆر گەورەیه
بەڵام هەتا لای گونتانه!
قەڵەمێکی تیژ و تووڕەم
خۆتان له من بپارێزن
دێڕ به دێڕی نامیلکەی ژینتان دەزانم
من وەک ئێوه خۆم له پشتی ئاوێنه ناشارمەوه
کانییەکی بەر تریفەی مانگەشەوم
ساکار و روون وەک ئاسمانم
من گوڵێکم
بتانەوی و نەتانەوی
لەم شۆرەکاته رواوم
ئێوەی دڕکیش …
رق و کینەی هەموو دنیا کۆ کەنەوە
دڵنیا بن … دەستان ناگا
به تروپکی بەرزی ناوم!
ئێوه چین من بتاندوێنم
من شاعیری دڵی خۆمم
من هەر ئاواز بو خۆم و بۆ دڵدارەکەی خۆم دەخوێنم.
جەلال مەلەکشا
__________________
شاره که م , به ندی دلم , ئه ی باغی مه ن
ره وره وه ی ساوایه تیم , سابلاغی مه ن
دل به هیوات لیده دا , لانکی دلی
تو له وه رزی یادی مه ن دا , سه رچلی
خالید حسامی( هیدی )
|
|
جای تبلیغات شما اینجا خالیست با ما تماس بگیرید
|
|
10-10-2013
|
|
مدیر تاریخ و بخش فرهنگ و ادب کردی |
|
تاریخ عضویت: Aug 2009
محل سکونت: مهاباد
نوشته ها: 19,499
سپاسها: : 3,172
3,713 سپاس در 2,008 نوشته ایشان در یکماه اخیر
|
|
کۆچی لەیلا
کۆچی لەیلا
له سابڵاغێ وەده‌ر که‌وتم
له گوڵەزه‌ردان وە سه‌رکه‌وتم
به دوای کۆچی له‌یلا که‌وتم
هات ڕابوورد، گه‌رده‌ن به خاڵ
دنیای ڕوونی، لێم کردووه تاڵ
ئای شل وای شل، باوانم شل
بۆ تۆ نه‌مام شـــــۆخی خاڵ له مل
ماڵی وێران کردووم چاوی
دێوانه‌م بۆ زولفی خاوی
ئه‌منی هه‌ژار که‌وتمه داوی
ماڵی باوکت سه‌ره‌وژێر بێ
عیزرائیل به ماڵیان فێر بێ
کێ تۆی ڕه‌نجاند ڕه‌ببی کوێر بێ
یاخودا هه‌ر وا گه‌رد و تۆز بێ
ده‌سرۆکه‌ی له لان ئاڵۆز بێ
له‌یلا جه‌ژنت لێ پیرۆز بێ
ناسر ڕەزازی
__________________
شاره که م , به ندی دلم , ئه ی باغی مه ن
ره وره وه ی ساوایه تیم , سابلاغی مه ن
دل به هیوات لیده دا , لانکی دلی
تو له وه رزی یادی مه ن دا , سه رچلی
خالید حسامی( هیدی )
|
10-10-2013
|
|
مدیر تاریخ و بخش فرهنگ و ادب کردی |
|
تاریخ عضویت: Aug 2009
محل سکونت: مهاباد
نوشته ها: 19,499
سپاسها: : 3,172
3,713 سپاس در 2,008 نوشته ایشان در یکماه اخیر
|
|
شاری دوبەی
شاری دوبەی
چەند ئوتیلیکی بەرزە فر
دوو سێ مۆڵ و ماکەر سیتی
دوو سێ باڵەخانەی تەژە
چەند وەنەوشە و کادیلاک و مۆنیکایەک
چەند قومارگەی چراخان و
چەند مەساژگەی بن زک شێل و
چەند مەلھایەک…
دوو سێ دەرزەن فیستیڤاڵ و
چەند زنجیرە کۆنفرانسێک
چەند چاوەشێکی دەستی دوو
گەرێک شایی، سووکە دانسێک
چیتر ماوە؟
مووچە نەبڕێ لە بەغداوە
چیتر ماوە؟
ھەر ئەمانە و دوای ھەڵدانی
چەند پێکێک مەی
کوردستانتان بو دەکەمە شاری دوبەی!
عەبدوڵا پەشێو
__________________
شاره که م , به ندی دلم , ئه ی باغی مه ن
ره وره وه ی ساوایه تیم , سابلاغی مه ن
دل به هیوات لیده دا , لانکی دلی
تو له وه رزی یادی مه ن دا , سه رچلی
خالید حسامی( هیدی )
|
10-10-2013
|
|
مدیر تاریخ و بخش فرهنگ و ادب کردی |
|
تاریخ عضویت: Aug 2009
محل سکونت: مهاباد
نوشته ها: 19,499
سپاسها: : 3,172
3,713 سپاس در 2,008 نوشته ایشان در یکماه اخیر
|
|
کەنیشکه ئۆغربێ/ بۆ کۆچه سوورەکەی
کەنیشکه ئۆغربێ/ بۆ کۆچه سوورەکەی
ژیلا-ح/ بەشی یەک و دوو
بەرامبەر ئاوێنه راوەستا
دوو پەلکه شۆڕەکەی کردەوه
کراسێکی سپی ئاودامانی له بەر کرد
مەلێکی غەریب له دوورەوه ناڵاندی!
ئەم رای کرد
پەنجەرەی کردەوه
باڵندەی رۆحی له ناو رکەی جەستەیدا زریکاندی!
دیوانه شیعرەکەی هەڵگرت و
ئاخێکی هەڵکێشا
وەک بڵێی ئاخرین دیداره!
دڵۆپی فرمیسکی هەڵڕشت و
لاپەڕه لاپەڕه هەمووی دا دەم باوه
چی واژەی شیعر بوو، هەڵفڕین
وەک پوله کۆترەی ئاواره!
ئەسپێکی سپی له بەر دەرکه حیلاندی
هەزاران پەپووله
گەمارۆی سەریان دا
وەک پۆلی پەرییان
خاتووزین بەڕی کەن، بۆ لای مەم!
کەنیشکی خوای جوانی
باڵندەی رۆحی له ناو رکەی دەروونیا
بۆ ئاسمان ئەیڕوانی!
بەشی دووهم
کەنیشکه ئۆغر بێ!
ئەم ئەسپه سەرشێته و
رێگەی کۆچ بێ بەخته!
سەبر که با سێبەر بێتەوه، ناوەخته!
-نا، دەبێ هەر برۆم
ئیتر لای ئێوه خۆش
دڵدارم له دوایین ژوانگەدا
چاوەڕێی من دەکا!
-گیانەکەم!
ئاخر بۆ وا بێدەنگ؟!
له دوای تۆ، کێ دەستی دایکانه
به سەر ئەم شیعرانه دەهێنێ
-به بەیان ئەسپێرم
با زەوی پڕ بکەن
له وشەی رەنگاورەنگ!
کەنیشکه!
بۆ هێنده به پەلەی
نەختێ تر دانیشه له لامان
با تێر تێر بتبینین
تاسەمان هێشتا لێت نەشکاوه
ئەزانم دڵت لەم دنیایه بێزاره!
دەروونت له نیشی دووپشکی وڵاتی ئەوینکوژ زامداره!
زۆر تیری تانەت لێدراوه
بەڵام ئەی شاگوڵی باخی ژین!
نەختێ تر دانیشه
هەتاکو ئێواره زۆر ماوه
خەزان زۆر ناکێشێ
وەرزێ تر بەهاره
بەجێمان مەهێڵه …
تۆ تامی ژیان و نمەکی زەوینی
له دوای تۆ بەرەو کام رووگەی عەشق راوەستین
تۆ قیبلەی ئەوینی
بەشی سێهەم
سوار بوو … سوار بوو
«ئەی هەرەس به ماڵم»
هەورەکان لێک ئاڵان
ئاسمان دەستی به گریان کرد
چی دار ئەرخەوان بوو
له سۆزی ئەم کۆچه
قژ خویان هەڵڕنی
گەڵایان له باڵا هەڵوەران
کۆڕژنی ئەسپەشێ
زەوینی راچڵەکان
هەناسه له سینگی زەماندا، حەپەسا
هەزاران پەپووله
«شەم»یان بۆ جێژوانی «دێوانه» ئەبرد و ئەگریان!
«ئەی هەرەس به ماڵم»
ئەسپەشێ گلاندی
زاوای مەرگ …
ئامێزی کردەوه
دوا بزەی شیرینی
وەک دوایین هۆنراوەی
زەوینی خەنی کرد
کەژاوەی خوای ئەوین، هاته خوار
تەرمەکەی له ئاخڵەی تیشک پێچا و
کەنیشکه غەریبه جوانەکەی بردەوه
جەلال مەلەکشا
__________________
شاره که م , به ندی دلم , ئه ی باغی مه ن
ره وره وه ی ساوایه تیم , سابلاغی مه ن
دل به هیوات لیده دا , لانکی دلی
تو له وه رزی یادی مه ن دا , سه رچلی
خالید حسامی( هیدی )
|
10-10-2013
|
|
مدیر تاریخ و بخش فرهنگ و ادب کردی |
|
تاریخ عضویت: Aug 2009
محل سکونت: مهاباد
نوشته ها: 19,499
سپاسها: : 3,172
3,713 سپاس در 2,008 نوشته ایشان در یکماه اخیر
|
|
خوایە وەتەن ئاواکەی!
خوایە وەتەن ئاواکەی!
خوایە وەتەن ئاواکەی، چەند دڵگیر و شیرینە
دەشتی خۆش و ڕەنگینە
ئاوی کەوسەرە خاکی گەوهەرە
پڕ لە گوڵ و نەسرینە
سەیرانگای بەهارانی، سەوزەگیای نەرم و جوانی
سەد دڵ ئەبێ حەیرانی، ئاوی کەوسەرە، خاکی گەوهەرە
پڕ لە گوڵ و نەسرینە
شاخی بەفرینە و بەرزە، بۆ ڕابووردوومان ڕەمزە
چیمەنی جوان و سەوزە، ئاوی کەوسەرە، خاکی گەوهەرە
پڕ لە گوڵ و نەسرینە
ئەم شوێنە شوێنی کوردە، جێی قارەمانە و مەردە
لانەی شێری نەبەردە، ئاوی کەوسەرە، خاکی گەوهەرە
پڕلە گوڵ و نەسرینە
وەتەن چاوی لێمانە، دەریکەین لە تەنگانە
حەیفە بێتە وێرانە، ئاوی کەوسەرە،خاکی گەوهەرە
پڕ لە گوڵ و نەسرینە
هۆنراوە: بێکەس
__________________
شاره که م , به ندی دلم , ئه ی باغی مه ن
ره وره وه ی ساوایه تیم , سابلاغی مه ن
دل به هیوات لیده دا , لانکی دلی
تو له وه رزی یادی مه ن دا , سه رچلی
خالید حسامی( هیدی )
|
10-10-2013
|
|
مدیر تاریخ و بخش فرهنگ و ادب کردی |
|
تاریخ عضویت: Aug 2009
محل سکونت: مهاباد
نوشته ها: 19,499
سپاسها: : 3,172
3,713 سپاس در 2,008 نوشته ایشان در یکماه اخیر
|
|
گوڵی خوێناوی
گوڵی خوێناوی ،
بە دەنگی هۆمەر دزەیی
کوڕ:
بروانە، شاییە، چۆپییە لەو ماڵە
گوێ بگرە، زوڕنایە، دەهۆڵە، شمشاڵە
ەرد و سوور تێکەڵ بوون، ژن و پیاو، هەرایە
لەوناوە هەر هاڕەی هەیاسەی تۆ نایە
سا تو خوا خێراکە، با بڕۆین دەس بگرین
بە کامی دڵداریی پێکەوە هەڵپەڕین
کچ:
گوڵ نەبێ بۆ سەرم، ئاڵ چەپکێ، زەرد چەپکێ
نایەم بۆ زەماوەند، نایەم بۆ هەڵپەڕکێ
کوڕ:
کچ لەڕێی جوانیتا، کچ لەڕێی جوانیتا
کچ لەڕێی نیونیگای هاتوچۆی کانیتا
پایزە، گەڵای دار ڕژاوە، باخ ڕووتە
گوڵ کوانێ؟ گوڵ لێوی بە بزە پشکووتە
کچ:
گوڵ نەبێ بۆ سەرم، ئاڵ چەپکێ، زەرد چەپکێ
نایەم بۆ زەماوەند، نایەم بۆ هەڵپەڕکێ
بتدایە دڵ بە من، بە هەموو ماناوە
دوو چەپکت ئەهانی، لە باخچەی پاشاوە
کوڕ ئەڕوا و لەبەرخۆیەوە گۆرانیی ئەڵێ:
باخچەی پاشا لەوبەر ئاوە، خێڵی دوشمن دەورەی داوە
ئەڕۆم، رێگام لێ گیراوە، ناڕۆم، چاوکاڵ لێم تۆراوە
بەرەبەرە لە دێ دوور ئەکەوێتەوە…..
کوڕ:
بە باخچەی پاشادا ورد گەڕام، خوار و ژوور
زەرد هەبوو بۆم چنیت، چنگ نەکەوت گوڵی سوور
نازانم ئەمجا دێیت بۆ شایی و هەڵپەڕکێ؟!
کچ:
نایەم، گوڵ ماویەتی بۆسەرم، سوور چەپکێ
کوڕ یەخەی مراخانیی ترازاند:
ناتەوێ ئەم زامی سەر دڵەم لەباتیی؟!
کچ:
هەی هاوار، تفەنگی دوژمنیش پیکاتی؟!
راکشێ، تاوێ سەر بنێ سەر ڕانم
با بگریم بۆ دڵێ، بۆ گوڵی دۆڕانم
مامۆستا گۆران
__________________
شاره که م , به ندی دلم , ئه ی باغی مه ن
ره وره وه ی ساوایه تیم , سابلاغی مه ن
دل به هیوات لیده دا , لانکی دلی
تو له وه رزی یادی مه ن دا , سه رچلی
خالید حسامی( هیدی )
|
10-10-2013
|
|
مدیر تاریخ و بخش فرهنگ و ادب کردی |
|
تاریخ عضویت: Aug 2009
محل سکونت: مهاباد
نوشته ها: 19,499
سپاسها: : 3,172
3,713 سپاس در 2,008 نوشته ایشان در یکماه اخیر
|
|
ئەنفاڵ
ئەنفاڵ
هه‌رچی مینای دڵه‌کان بوو ، هه‌ڵیان وه‌راند
ئه‌و هه‌موو گۆزه جوانه‌یان شکاند ،
ئه‌و هه‌موو کانی و ئاوه‌یان گوێزایه‌وه
هه‌رچی که‌ڵه‌کی ژنان و
سه‌کۆی ئێوارانی به‌ر ماڵان بوو ..
… هه‌رچی قیبله هه‌بوو ؛ قیبله‌ی نوێژ و
قیبله‌ی عیشق و
قیبله‌ی شۆڕش ..
هه‌ر هه‌موویان ورد و خاش کرد ..
ئه‌م جه‌ننه‌ته‌یان به ئاوی خه‌تاکان به‌خشی
ئه‌م هه‌موو نوێژه‌یان ، له دوعاکان بێبه‌ری کرد …
ئه‌م هه‌موو شاره‌زووره‌یان ،
کرده ته‌نورێک بۆ ( نالی ) ..
ئه‌م هه‌موو خۆڵه‌مێشه‌یان ، له پشکۆکان نیگه‌ران کرد ..
ئه‌وان که هاتن ، وه‌رزه ئاڵه‌کانی عه‌ده‌میان پێبوو ..
ئه‌وان که هاتن ، ڕه‌وه کولله‌ی
ناو میحنه‌ته‌کانی مێژوو بوون ،
هه‌وای دۆزه‌خ هینابوونی ..
که هاتن ، مه‌وسمی گۆرانی و
شه‌وقی ئه‌و هه‌موو ساڵه‌یان
خسته چاڵێک ئاگره‌وه ..
ئه‌و هه‌مو ده‌رگایه‌یان ، له‌سه‌ر ته‌نیایی ڕۆحه‌کان داخست ..
ئه‌و هه‌موو خه‌ونه‌یان به‌سه‌ر چڵێکی وه‌حشه‌ته‌وه جێهێشت ..
به‌رسیله‌کانی مناڵیی و چرۆکانی به‌رائه‌تیان
هه‌ر به سه‌وزیی بۆ سه‌ره‌نوێلک فڕێ دا ..
ئه‌وان له ئه‌زه‌له‌وه هه‌ر وا بوون .
جوانترین گه‌مه‌یان ؛ کوشتن و
ناسکترین وشه‌یان ؛ خوێن بووه ..
ئه‌وان که هاتن ،
هه‌رچی ماڵی سپیی کچه عازه‌باکان هه‌بوو ، ڕووخاندیان ..
هه‌رچی هێلانه‌ی ئاوریشمیی عیشق هه‌بوو ، سووتاندیان ..
ئه‌وان ، ئاوێنه‌ی حه‌وزێکی لیخنیشیان نه‌هێشته‌وه
دره‌خته ڕیش سپییه‌کانی ئاوایی ،
له به‌ریا ده‌ستنوێژ هه‌ڵگرن ..
ئه‌وان که هاتن ،
ڕه‌وه کولله‌ی پاش میحنه‌ته‌کانی مێژوو بوون ..
بای دۆزه‌خ ، هه‌ڵی گرتبوون ..
هه‌رچییان کرد .. هه‌رچییان برد ،
خۆیان و خوا و ( تراکتۆره‌کان ) نه‌بێ ،
که‌س نه‌یزانی !
جه‌مال غه‌مبار
__________________
شاره که م , به ندی دلم , ئه ی باغی مه ن
ره وره وه ی ساوایه تیم , سابلاغی مه ن
دل به هیوات لیده دا , لانکی دلی
تو له وه رزی یادی مه ن دا , سه رچلی
خالید حسامی( هیدی )
|
10-10-2013
|
|
مدیر تاریخ و بخش فرهنگ و ادب کردی |
|
تاریخ عضویت: Aug 2009
محل سکونت: مهاباد
نوشته ها: 19,499
سپاسها: : 3,172
3,713 سپاس در 2,008 نوشته ایشان در یکماه اخیر
|
|
من پشکۆیەک لەو ئاگرەم
من پشکۆیەک لەو ئاگرەم
شێعری ره‌حیم لوقمانی
بە دەنگی نەجمە غوڵامی
من پشکۆیەک لەو ئاگرەم کە ئاسنیش دەتاوێنێ
من دڵۆپێک لەو بارانەم کە دەریایەک بە دی دێنێ
من شەماڵم ئەو شەماڵە پڕ لە شنەی بە سۆز و تاو
دەمەو بەهار بەفری داگیرکەری وڵات ئەکەم بە ئاو
من ژیلەمۆم ئەو ژیلەمۆی دوای هەزاران ئاو لێ پژان
دیسانەوە گڕ دەهاوێم دەیڵێمەوە گۆرانی ژیان
کاتێ ساوای باوک کوژراو فرمێسک ئەڕژێنێ بەتاسە
من بە سۆزتر لەو ئەسرینەم بە قینترم لەو هەناسە
من باوەڕم، بومەلەرزەم، دڵی زەوی دەلەرزێنم
کێو و تەلان لە بن دێنم، هەموو جیهان دەهەژێنم
من رووناکی ئاسۆی ژینم وەک تاو هەڵدێم بۆ ژێردەستان
من شۆڕشم، ئاگرە سوورەم،ئاگرە سوورەکەی کوردستان
__________________
شاره که م , به ندی دلم , ئه ی باغی مه ن
ره وره وه ی ساوایه تیم , سابلاغی مه ن
دل به هیوات لیده دا , لانکی دلی
تو له وه رزی یادی مه ن دا , سه رچلی
خالید حسامی( هیدی )
|
10-10-2013
|
|
مدیر تاریخ و بخش فرهنگ و ادب کردی |
|
تاریخ عضویت: Aug 2009
محل سکونت: مهاباد
نوشته ها: 19,499
سپاسها: : 3,172
3,713 سپاس در 2,008 نوشته ایشان در یکماه اخیر
|
|
پاییز پاییز
پاییز پاییز
هه‌ڵبه‌ستی: مامۆستا گۆران
ئاوازی: نه‌جمه‌ی غوڵامی
پایز! پایز
بووکی قژ زه‌رد
من مات تۆ زیز
هه‌ردوو هاوده‌رد
من فرمێسکم، تۆ بارانت
من هه‌ناسه‌م، تۆ بای ساردت
من خه‌م، تۆ هه‌وری گریانت
دوایی نایه دادم دادت
پایز پایز
گه‌ڵا رێزانت
هه‌وری ماتی ئاسمانت
له‌بر کزه‌ی بای سه‌ر ته‌زێن
له گه‌ڵ گه‌ڵای دره‌ختا ئه‌ژین
به‌ڵام قورسه زۆر به جۆشه
دۆزه‌خێکم کوا له جۆشه
پایز! پایز!
شان و مل رووت
من مات، تۆ زیز
هه‌ردووکمان جووت
هه‌رچه‌ند گوڵ سیس ئه‌بێ بگرین
ئاڵتوونی دار ئه‌ڕژێ بگرین
پۆلی باڵدار ئه‌فرێ بگرین
بگرین… بگرین… چاومان نه‌‌سڕین
هه‌رگیز، هه‌رگیز
__________________
شاره که م , به ندی دلم , ئه ی باغی مه ن
ره وره وه ی ساوایه تیم , سابلاغی مه ن
دل به هیوات لیده دا , لانکی دلی
تو له وه رزی یادی مه ن دا , سه رچلی
خالید حسامی( هیدی )
|
10-10-2013
|
|
مدیر تاریخ و بخش فرهنگ و ادب کردی |
|
تاریخ عضویت: Aug 2009
محل سکونت: مهاباد
نوشته ها: 19,499
سپاسها: : 3,172
3,713 سپاس در 2,008 نوشته ایشان در یکماه اخیر
|
|
چریكەی نێو قەفەز
چریكەی نێو قەفەز
هەموو شەوێ
له ئەو دیوی دیوارەوه
باڵندەیكی دیلی قەفەز
تێی دەچریكاند…
بەستەكانی
ڕووداوانی نیشتمانی خوێن و ئاگر و هەڵمەت بوون
لاوك، حەیران، سیاوچەمانەی ئەكرد به پرد
هەڵگورد دەستی شاهۆی ئەگرت
لەگەڵ قەندیل، بەسەر پردا
بۆ لای چیای ئاگرین ئەچوون…
هەموو شەوێ؛
منیش له پشت دەلاقەی ژوورەكەمەوه
زنجیری دیلیم دەپساند و
ئەسپی خەیاڵم زین ئەكرد
به شاڕێگەی حەنجەرەی ئەو باڵندەدا
بۆ نیشتمان ئەچوومەوه…
دوێنێ شەوێ
شەوبۆنی خەم
بۆنی ماتەمی لێ ئەهات
تا بەیانی چاوەڕوان بووم
دەنگی باڵندەكه نەهات
ئەوڕۆ بیستم؛
له كازیوەی سپێدەدا
باڵنده دەنگ‌خۆشەكەیان سەر بڕیوه
بۆ تێك‌دانی بنكەی سووری بەستەكانی،
ڕەگ به ڕەگی حەنجەرەیان هەڵ‌دڕیوه…
ئیمشەو دڵم دەكوركێنێ
باڵندەیەكی باڵ و پەل و پۆ خوێناوی
له سەر لقی شیعرێكی پڕ تاسه و هێشتا نەگوتراوم
هەڵ‌نیشتووه و دەچریكێنێ…
جەلال مەلەكشا
له دەفتەری شیعری؛ زڕەی زنجیری وشه دیلەكان
1371/4/24ی هەتاوی
__________________
شاره که م , به ندی دلم , ئه ی باغی مه ن
ره وره وه ی ساوایه تیم , سابلاغی مه ن
دل به هیوات لیده دا , لانکی دلی
تو له وه رزی یادی مه ن دا , سه رچلی
خالید حسامی( هیدی )
|
|
کاربران زیر از behnam5555 به خاطر پست مفیدش تشکر کرده اند :
|
|
|
کاربران در حال دیدن موضوع: 1 نفر (0 عضو و 1 مهمان)
|
|
|
مجوز های ارسال و ویرایش
|
شما نمیتوانید موضوع جدیدی ارسال کنید
شما امکان ارسال پاسخ را ندارید
شما نمیتوانید فایل پیوست در پست خود ضمیمه کنید
شما نمیتوانید پست های خود را ویرایش کنید
اچ تی ام ال غیر فعال می باشد
|
|
|
اکنون ساعت 02:01 AM برپایه ساعت جهانی (GMT - گرینویچ) +3.5 می باشد.
|
حالت خطی
