چۆارینه‌کانی خه‌ییام به‌ کوردی لاتین

[behnam5555]

چۆارینه‌کانی خه‌ییام به‌ لاتین

( 6 )

هه‌رچێکی هه‌ڵێ ، به‌شی له‌ ئاوا بوونه‌
سه‌رکه‌وتنی هه‌وراز و به‌ره‌وژێر چوونه‌
شین بووی له‌ زه‌وی ، پێ ده‌گه‌ی و ده‌ت هێڕێ
ئاشێڕه‌ خودا و ئاشه‌که‌شی گه‌ردوونه‌

He‌rcékí hellé , beshí le awa búne
serkewtiní hewraz u berewjhér cúne
shín búy le zewí , pé degey u det hérré
ashérre xuda u ashekeshí gerdúne




ئه‌م هاتن و چوونی ئێمه‌ چی له‌دوایه‌؟
کێی وا هه‌یه‌ له‌م گڵۆڵه‌ هه‌ڵکا تایه‌؟
ئه‌و لاشه‌ هه‌موو ده‌که‌ونه‌ ئاورگی نه‌مان
سووتمانی وه‌هام نه‌دیوه‌ ، دووکه‌ڵ نایه‌ !


em hatin u cúní éme cí leduwaye?
kéyí wa heye lem gllolle hellka taye?
ew lashe hemú dekewine awrgí neman
sútimaní weham nedíwe , dúkell naye !



زستانه‌ هه‌تا ڕوو ده‌که‌مه‌ مه‌یخانه‌
هه‌ر لاسکی گوڵه‌ و له‌ ده‌وری ئاگردانه‌
وه‌دیاره‌ نه‌یاری جوان و ڕووخۆشه‌ جیهان
تۆڵه‌ی ده‌می پێکه‌نینه‌ ئه‌م سووتانه‌ !!


zstane heta rú dekeme meyxane
he‌r laskí gwille u le dewrí agirdane
wedíyare neyarí jwan u rúxoshe jíhan
tolley demí pékeníne em sútane !!



مه‌یگێڕ وه‌ره‌ بۆم تێکه‌ ئه‌وا نیوه‌ شه‌وه‌
به‌س بیرێ له‌ مزگه‌وت و که‌نشتان بکه‌وه‌
دڵته‌نگی جه‌هه‌نده‌می و به‌ ئاواتی به‌هه‌شت؟
دایناوه‌ خودا کوێنده‌ری. به‌س لێکی ده‌وه


meygérr were bom téke ewa níwe shewe
bes bíré le mzigewt u kenishtan bikewe
dilltengí jehendemí u be awatí behesht?
daynawe xuda kuwénderí. Bes lékí dewe