چۆارینه‌کانی خه‌ییام به‌ کوردی لاتین

[behnam5555]

چۆارینه‌کانی خه‌ییام به‌ لاتین

( 33)

مه‌یگێڕ وه‌ره‌ مه‌ی ئاڵ بده‌ با بینۆشم
شه‌شدانگی به‌هه‌شت به‌ شووشه‌یه‌ک ده‌فرۆشم
فه‌رمووته‌: له‌ پاش مه‌رگ به‌ره‌و کوێ ده‌م به‌ن؟
سه‌رخۆش که‌ ده‌ڕۆم، کێوه‌ بچم دڵخۆشم

meygérr were mey all bide ba bínoshm
sheshdangí behesht be shúsheyek defir oshm
fermúte: le pash merg berew kuwé dem ben?
serxosh ke derrom, kéwe bicm dillxoshm



کوا مه‌ی؟ بڕه‌وێ خه‌م و خه‌یاڵ و خه‌وه‌که‌م
وا ڕوو به‌ مه‌رگ گلۆر ده‌بێ ڕه‌وڕه‌وه‌که‌م
ئه‌و خشتی له‌ خاکی من ده‌ی پێژن
نێزیکه‌ بچێته‌ چینی خانووی نه‌وه‌که‌م

kwa mey? birrewé xem u xeyall u xewekem
wa rú be merg glor debé rewrrewekem
ew xishtí le xakí min dey péjhn
nézíke bicéte cíní xanúy newekem



بۆ بیری به‌هه‌شت و ئاگرێ که‌وتی یه‌ چاڵ
خۆشتر له‌ خه‌یاڵی شیرنه‌ باده‌ی تاڵ
به‌س ترس و هومێدی بێ نیشان و به‌ڵگه‌
پێشینه‌ ده‌ڵێن: که‌س به‌ خه‌یاڵ نه‌بوه‌ به‌ ماڵ

bo bírí behesht u agiré kewtí ye call
xoshtir le xeyallí shírine badey tall
bes tirs u humédí bé níshan u bellge
péshíne dellén: kes be xeyall nebwe be mall


خه‌و به‌سییه‌ به‌یانه‌ هه‌سته‌ چاوکاڵی شه‌پاڵ
گفتێکی شیرین بکه‌ مه‌زه‌ی باده‌ی ئاڵ
کاروانی ژیان ده‌ئاژوێ ڕوو به‌ نه‌مان
هاکا من و تۆش ده‌بینه‌وه‌ خه‌ون و خه‌یاڵ

xew besíye beyane heste cawkallí shepall
karwaní jhíyan deajhuwé rú be neman
haka min u tosh debínewe xewin u xeyall