چۆارینه‌کانی خه‌ییام به‌ کوردی لاتین

[behnam5555]

چۆارینه‌کانی خه‌ییام به‌ لاتین

( 37)

بایی مه‌به‌ ژیان وكه‌ مێ رامێنه‌
زۆری وه‌كوو تۆ ئێسته‌ سه‌تی له‌ شوێنه‌
دڵخۆش به‌هه‌تا ماوی مه‌رگ واله‌كه‌مین
تاتۆش نه‌رفێنراوی به‌شت برفێنه‌

bayí mebe jhíyan uke mé raméne
zorí wekú to éste setí le shuwéne
dillxosh beheta mawí merg walekemín
tatosh nerifénrawí besht biriféne


به‌س هه‌ڵبخولێ به‌ده‌وری پیس وپاكا
تاكه‌نگێ به‌شوێن هه‌مووخراپ وچاكا
گه‌ر زه‌می"یاندایبنێ ئاوی ژیانی
ناچاریده‌بێ رۆچی به‌سینه‌یخاكا

bes hellbixulé bedewrí pís upaka
takengé beshuwén hemúxirap ucaka
ger zemí"íyandaybiné awí jhíyaní
nacarídebé rocí besíneyxaka


هه‌ر چه‌ندی بڵێی به‌ به‌ژن و باڵا جوانم
ڕوومه‌ت گوڵ و چاو که‌ژاڵ و لێو قه‌یتانم
وه‌ستایێ که‌وای له‌ خاك و گڵ داڕشتم
نیازی له‌مه‌ چی بوو؟ چی کرد؟ نازانم

he‌r cendí billéyí be bejhn u balla jwanim
rrúmet gwill u caw kejhall u léw qeytanim
westayé keway le xak u gll darrshtim
níyazí leme cí bú? cí kird? nazanim


دیم گۆزه‌که‌رێك قوڕی ده‌شێلا دوێنێ
ده‌نگێکم ده‌بیست، باوکه‌ کور ده‌دوێنێ
رۆله‌م به‌زه‌ییت به‌ بابی خۆت دا نایه‌؟
مه‌مشێله‌ به‌ قه‌و، به‌ هێمنی پێم لێنێ

dím gozekerék qurrí deshéla duwéné
dengékm debíst, bawke kur deduwéné
rolem bezeyít be babí xot da naye?
memshéle be qew, be héminí pém léné